Di Gschichti, won I ufschribe, sy nid erfunde. Viel han i sälber erläbt u viel isch mer erzellt worde. Aber es chenne nid all Lüt glych guet erzelle, u nid all Lüt erzelle di glychi Gschicht glych. I gibe mer geng Müehj, müglichscht nah bi dr Wahrhiit z blybe. Aber ehrlich gsiit, mengisch schrybe i o die Variante uf, wo mer am beschte gfallt. O das, won i sälber erläbt ha, erzelle i us myr Sicht, das hiisst, nid alli – o myner Schweschteri u Brüeder nid – hi ds Erläbte glych empfunde. U mengisch ubertrybe i es bitzi, aber dem siit me schriftschtellerischi Fryhiit. U de erzelle i eso, wie mer dr Schnabel gwagse isch; das tönt de mengisch echli unghoblet. We iine siit, er higi no grad e Strube müesse yschtrube, so isch das es sichers Ziiche, dass dä vo Zwüscheflüeh chunnt.

Autorin: Erika Wiedmer-Mani

ca. 240 Seiten, 16 × 23 cm, gebunden, Hardcover

ISBN 978-3-03818-205-4, CHF 29.– / EUR 25.–